Gwasanaethau Myfyrwyr :: Help a Chyngor Gyrfaol

Pa bynnag gwrs fyddwch chi'n ei ddilyn yn ystod eich gyfnod fel myfyriwr yng Ngholeg Meirion-Dwyfor bydd angen i chi ystyried y cam nesaf. Beth bynnag fydd eich dewis bydd yna ddigon o gymorth ar gael i gynllunio eich dyfodol. Bydd eich tiwtor yno i'ch helpu a bydd digon o gymorth ac arweiniad ar gael gan John Elfyn Gruffydd, Cynghorydd Gyrfaoedd y Coleg a hefyd gan Gyrfa Cymru.

Bydd y cymorth sydd ar gael yn cynnwys :

• Cynllunio’r cam ymlaen i addysg uwch
• Paratoi cais i brifysgolion
• Llenwi ffurflen UCAS
• Y farchnad waith leol a chenedlaethol
• Ceisio am swydd
• Llunio CV
• Sgiliau cyfweliad
• Siaradwyr gwadd ac ymweliadau

Gallwch drefnu i weld John Elfyn Gruffydd trwy'r Uned Gwasanaethau Myfyrwyr.

Dolgellau - yn yr Uned Gwasanaethau Myfyrwyr ar ddydd Mawrth a dydd Iau

Pwllheli - yn yr ystafell ger yr Ystafell Staff ar ddydd Llun, Mercher a Gwener

Glynllifon - gwnewch apwyntiad drwy eich tiwtor – fel arfer ar ddydd Mercher

Gyrfa Cymru

Mae Gyrfa Cymru yn cyd-weithio yn agos gyda’r Coleg i ddatblygu rhaglen addysg ac arweiniad gyrfa sy’n addas i fyfyrwyr. Bydd cynghorydd o’r Gyrfa Cymru yn ymweld â’r Coleg yn rheolaidd i roi :

• Help i chi ddewis eich gyrfa
• Cyngor ar pa gwrs neu bynciau colegol i’w cymryd yn y brifysgol
• Gwybodaeth am swyddi a chyfleon hyfforddiant.

Gellwch wneud apwyntiad i weld Cynghorydd Gyrfa trwy Uned Gyrfaoedd y Coleg neu trwy gysylltu gyda’r Ganolfan Gyrfaoedd ym Mhorthmadog ar (01766) 514 501.

Gwybodaeth Gyrfaoedd

Mae Llyfrgell y Coleg yn cynnwys Uned Gyrfaoedd ac mae yno wybodaeth ar bob agwedd o swyddi a gyrfaoedd yn cynnwys:

• Prospectws Colegau Addysg Uwch a Phrifysgolion Cymru, Lloegr, Yr Alban ac Iwerddon.
• Sut i ddewis cyrsiau addysg bellach ac addysg uwch
• Sut i ymgeisio am swydd
• Nawdd gan ddiwydiant
• Cymryd blwyddyn allan
• Gweithio dramor
• Meddalwedd Gyrfaoedd wedi ei gynllunio i helpu myfyrwyr ddewis gyrfa a chyrsiau coleg.