Amdanom Ni :: Newyddion

Dathlu llwyddiannau ysgoloriaethau (2009-10-13 )

Yn ddiweddar fe wnaeth Coleg Meirion-Dwyfor ddathlu gwobrwyo eu Ysgoloriaethau John Tudor gyda seremoni arbennig ar safle Dolgellau.

Mr John Tudor CBE oedd Cadeirydd Corfforaeth y Coleg ac fe farw gwanwyn eleni. Roed yn adnabyddus am ei waith yn y gymuned ac ar draws Gymru. Mae’r ysgoloriaeth yn ei phedwaredd flwyddyn, ac mae’n werth £400 i wyth o fyfyrwyr o ysgolion lleol. Mae’r cyn ddisgyblion bellach yn fyfyrwyr blwyddyn gyntaf yn un o dri phrif safleoedd y coleg yn Nolgellau, Pwllheli a Glynllifon.

Mae’r ysgoloriaethau yn rhan o gynllun parhaus Coleg Meirion-Dwyfor i hyrwyddo rhagoriaeth.

Meddai Dr Ian J. Rees, Pennaeth a Phrif Weithredwr Coleg Meirion-Dwyfor:

“Mae hyrwyddo rhagoriaeth yn rhan bwysig o waith Coleg Meirion-Dwyfor, ac mae’r ysgoloriaethau yn rhan annatod o hyn. Pwrpas yr ysgoloriaethau yw i alluogi’r myfyrwyr i barhau ar y llwybr i ragoriaeth trwy eu galluogi i brynu offer arbenigol, llyfrau neu ymweliadau addysgol.

“ Yn ddiweddar fe wnaethom gynnal seremoni i’r enillwyr a’u teuluoedd i ddathlu eu llwyddiannau. Llongyfarchiadau mawr i’r enillwyr, rydym yn mawr obeithio y gwnânt ddefnydd da o’u gwobr i ddatblygu eu profiad addysgol yng Ngholeg Meirion-Dwyfor ymhellach fyth.”

Enillwyr Ysgoloriaeth 09/10

• Malan Rebeca Hughes – (cyn ddisgybl Ysgol Glan y Môr)
• Gruffudd Wiliam Roberts – (cyn ddisgybl Ysgol Eifionydd)
• Bethan Ruth Roberts – (cyn ddisgybl Ysgol y Gader)
• Ynyr Rhys Jones - Glynllifon (cyn ddisgybl Ysgol Dyffryn Conwy)
• Leah O’Neill – (cyn ddisgybl Ysgol Ardudwy)
• Gywain Jones – (cyn ddisgybl Ysgol Y Moelwyn)
• Manon Fflur Williams - (cyn ddisgybl Ysgol Uwchradd Tywyn)
• Mared Gwyn Jones - (cyn ddisgybl ysgol Botwnnog)

Am ragor o wybodaeth cysylltwch â Nia Wyn, Swyddog Cyfathrebu 07736 106 921.

Cliciwch yma i weld yr archif newyddion